Veisau Eso Ni Radio Viti e_Aotearoa Retio Prokaramu e Te-Whanganui-a-Tara (Refit of Wellington Access Radio 106.1fm)
Ni Sa Bula Vinaka
Kivei kemuni na Noda, na LeweiViti ni dui Viti Community e Aotearoa
Eso ga na i Tukutuku me baleta na Radio Viti e_Aotearoa ena kena mai vakavoutaki tiko na Wellington Access Radio Studio 106.1fm (16th Noveba, 2020 - 14 Tiseba 2020).
Esa na tovolei ga me Livestream taki yani mai na macawa mai qo na noda Porokaramu ena Vosa vaka-Viti.
Oqo e baleta na kena sogo ka vakavoutaki tiko na Radio Studio e Wellington Access Radio 106.1fm.
E namaki me na qai dola tale ena i ka 14 Tiseba, 2020.
Na Radio Viti e_Aotearoa Porokaramu kece ena Vosa vaka-Viti ka ena lauta na veisau oqo;
- Aua Ni Masu ~Lotulevu 5am - 6am
- Yalo i Viti (Vakakekeli)~Lotulevu 6am - 7am
- Luvei Viti Youth Zone ~Vakarauwai 4pm - 5pm
- Noda Bula e_Aotearoa ~Vakarauwai 5pm - 6pm
- Vosa vaka-Viti kei na i Tovo ~Vakarauwai 6pm - 7pm
- Radio Viti e_Aotearoa Podcasts
Ke so na veika ko ni nanuma ni qai volavola ga mai vei keitou na nomuni DauniVeiqaravi ena Radio Viti e-Aotearoa Retio Porokaramu.
E ratou sauma na Viti Council e_Aotearoa na kena cicivaki na Radio Viti e_Aotearoa, ka tuvanaki me veiliutaki ga kina o keda na #LeweNiVanuaDinaeViti e keda sa mai Tawa-Vanua tu oqo e Aotearoa.
Oqo na vinaka ni kena cicivaki na noda Porokaramu ena Vosa vaka-Viti, mai vei keda ki vei keda. E keda lewa sara tiko ga o keda na veika me tuvanaki mai ka sega ni ra lewai mai o ira era sega ni wili ena buturara ni veiliutaki qo. Kenai balebale, e vakarogoci na nomuni dui nanuma ena veika me kacivaki yani, se o ira era dau cau mai ena kena soqoni eso na ulutaga vinaka me keitou veiwasei yani kina.
E dina beka ni so era dau kaya ni oqo e caka yani ena Wellington Access Community Radio ka sega ni National Radio vei keda na Pasifika me vaka e caka tiko ena retio eso.
Ia, ena so na vakadidike e keitou vakayacora e qai laurai ni era lewa tiko na tani na veika me dau kacivaki yani ena vei Porokaramu vaka-Viti oya. E nodra edua tani tale na Kawa Tamata (tabuyani) ka sega ni o keda na Viti dina. E solia edua na wase ni lavo vei ira na Matanitu me rawa ni cici tiko kina na nodra dui Retio Porokaramu. Oqo na vanua e duatani kina na veiqaravi ni Radio Viti e_Aotearoa baleta na noda na lewe ni veitalanoa ka keda sauma talega na kena cicivaki ena vei macawa.
Sa okoya beka oya na bulago
Vakanuinui vinaka yani ena noda sa vakanaulu tu oqo ena Siga ni Sucu ni Turaga ko Jisu.
Timi Viti
Comments
Post a Comment